Qyteti i Korçës u kthye sërish në kryeqendrën e fesrimeve të verës me “Moto & Rock Festival”, një event që për dy netë radhazi mblodhi motoristë, turistë dhe adhurues të muzikës rock nga i gjithë rajoni.
Nata e parë nisi solli një atmosferë të veçantë, ku qindra vizitorë u bashkuan në një mbrëmje të jashtëzakonshme me muzikë live. Artistët Renis dhe Aleksandër Gjoka ndezën skenën me performanca plot ritëm dhe emocione, duke dhuruar një nisje mbresëlënëse për festivalin.
Mbrëmja e dytë solli një tjetër të tjera surpriza. Parada e motoristëve në bulevardet e qytetit ishte një spektakël më vete, duke dhënë energji dhe adrenalinë për publikun. Koncertet vijuan me Erina & The Band dhe grupin Offchestra, që elektrizuan atmosferën deri në orët e vona të natës.
Sheshi para Katedrales u mbush plot e përplot me pjesëmarrës të të gjitha moshave, ndërsa motoristë nga Shqipëria dhe vende të rajonit kanë dhuruar spektakël dhe emocione për të dyja netët.
“Moto & Rock Festival” është tashmë një traditë që jo vetëm promovon kulturën rock dhe pasionin për motorët, por sjell gjallëri për Korçën në fillim të sezonit veror.
