Pas fitores 3-0 javën e kaluar me Partizanin, këtë javë ekipi i Orlando Kojes pret në pallatin e sportit “Tamara Nikolla” Tiranën, ekip që vetëm pak ditë më parë në shtëpinë korçare ka fituar kupën e Shqipërisë.
Skënderbeu e ka siguruar tashmë vendin e parë në renditje ndaj ndeshja me Tiranën është një mundësi e mirë së pari për revansh e së dyti për të treguar se korçaret e rrjetës janë skuadra e titullit kampion edhe këtë vit.
Moriera De Souza është lënë pushim edhe këtë javë pasi vazhdon seancat e riaftësimit në një klinikë private, për ta patur gati për takimet finale të kampionatit kombëtar.
Të gjitha lojtaret e tjera janë të gatshme për trajnerin Koja ndërkohë pritet për të parë nëse i pari i pankines korçare do të ndryshojë vendosje këtë ndeshje ndryshe nga ajo e humbur disa ditë më parë.
Shpresojmë ta interpretojmë ndryshe këtë takim – ka prerë shkurt Orlando Koja.
