Pavarësisht përpjekjeve për të zhvilluar turizmin me varka apo anije turistike në Pogradec ashtu sikurse Ohri e ka një pjesë të rëndësishme të ofertës turistike këtë sektor, Pogradeci nuk ja ka dalë dot te ecë përpara në këtë drejtim. Më shumë sesa mungesa e anijeve turistike kjo lidhet me mungesën e një porti dhe kapitenerie në këtë qytet.
Ilir Xhakolli kryetari i Bashkisë Pogradec e konfirmon këtë gjë dhe shkon më tej kur thotë se bashkia ka gati projektin për ndërtimin e një porti të ri dhe bashkë me të vendosjen e kapitenerisë në këtë qytet.
Edhe qytetarët e shohin si diçka tepër të rëndësishme linjën ujore për qëllime turistike. Llazi Kërxhalli thotë se anija e parë që ka mbrritur në Pogradec nga Ohri ishte në vitin 1963. Ai shton se është shumë e rëndësishme vendosja e anijeve turistike për Pogradecin.
Bashkia Pogradec së fundmi ka një projekt në dorë për ndërtimin e një porti të ri, investim i cili pritet ti hapë rrugën jovetëm turizmit ujor me anije por edhe stabilizimit të ankorimit të varkave në bregun e liqenit për të cilat mugon një hapsirë e tillë prej vitesh.
