Vijon të jetë i ulët numri i dhuruesve vullnetarë të gjakut në Bankën e Gjakut pranë spitalit rajonal të Korçës.
Nga 1500 dhurues vjetorë vetëm 300 prej tyre janë dhurues vullnetarë ndërsa të tjerët janë dhurues familjarë në raste urgjence.
Një gjë e tillë është bërë me dije nga mjekja pranë bankës së gjakut Viola Furxhi
Nga ana tjetër Furxhi shton se ka institucione të cilat herë pas here me punojësit e tyre dhurojnë gjak ndërkohë që institucione të tjera edhe kur u kërkohet, nuk i përgjigjen thirrjes.
Aldi Pojani është punojës i shërbimit vendor të kujdesit shëndetësor në Korçë, i cili së bashku me institucionin ku ai punon janë dhurues të rregullt të gjakut.
Në ditën ndërkombëtare të hemofilisë kanë dhuruar gjak punojës të institucioneve të ndryshme.
