Tom Kondakçiu, muzikant me origjinë nga Korça, ka treguar historinë e dhimbshme të persekutimit të tij gjatë regjimit komunist. I apasionuar pas kitarës që në moshën 10-vjeçare, në vitin 1969, ai u rrit duke ndjekur me pasion muzikën e huaj, të cilën e konsideronte shumë më të bukur se këngët propagandistike të kohës.
Në një rrëfim publik, Kondakçiu ka treguar se pas një tentative arratisjeje u dënua me 12 vite burg. Aty iu kërkua të këndonte për diktatorin Enver Hoxha, por ai refuzoi me çdo kusht. “Nuk mund t’i këndoja persekutorit tim,” shprehet ai, duke kujtuar se në shenjë proteste zgjodhi të lëndonte gishtërinjtë me sqepar për të mos luajtur më muzikë.
Kondakçiu thekson se për 8 vite rresht nuk preku më kitarën dhe se sot, me mendjen e pjekur, e kupton se kërkesa për të kënduar për diktatorin kishte qenë një formë poshtërimi. “Në atë kohë isha vetëm 20 vjeç, nuk i kuptoja djallëzitë e sistemit. Sot e shoh ndryshe,” u shpreh muzikanti.
