“NATA E KADRIT”
Besimtarët myslimanë në Korçë falin namazin e veçantë
Dhjetëra besimtarë myslimanë kanë faluar namazin e “Natës së Kadrit” në xhaminë e “Iljaz Bej Mirahorit” në qytetin e Korçës.
“Nata e Kadrit” është një nga netët më të rëndësishme të kalendarit islam dhe sipas mësimeve islame konsiderohet më e vlefshme se një mijë muaj. Para faljes së namazit, besimtarët patën mundësi të lexojnë Kur’an si dhe të ndjekin ligjëratë për vlerat dhe rëndësinë e kësaj nate të madhe.
“Nata e Kadrit” është një natë që përkon në ditën e 27-të të muajit të shenjtë të Ramazanit, ajo gjendet në dhjetë netët e fundit të tij në njërën nga netët teke. Besimtarët këtë natë e kalojnë në lutje dhe adhurim, lexim të Kur’an-it si dhe qëndrim në xhami.
