Adoleshenti 14-vjeçar Noel Cura, i njohur si një talent i futbollit, ka ndërruar jetë pas një beteje me një sëmundje të rëndë. Humbja e parakohshme e të riut ka lënë pas një dhimbje të madhe për familjarët dhe të afërmit e tij.
I mituri vuante kohët e fundit nga një kancer agresiv në kokë. Përpjekjet e vazhdueshme për ta mbajtur në jetë nuk mjaftuan për të mposhtur sëmundjen, e cila përparoi duke i marrë jetën në një moshë fare të re.
Ndarja nga jeta e vogëlushit ka tronditur thellë babanë e tij dhe të gjithë ata që e njihnin. Humbja e këtij talenti të ri shënon një ngjarje tragjike për familjen, e cila u përball me pasojat e rënda të kësaj diagnoze agresive.
