Një person i shpallur në kërkim që prej vitit 2018 është arrestuar këtë të diel në Pikën Kufitare të Kakavijës.
Bëhet fjalë për 28-vjeçarin me iniciale E. A., banues në fshatin Rrëmbec të Maliqit.
Gjatë një konflikti të çastit më 15 mars të 2018-ës, i riu ka goditur me kaçavidë, një shtetas.
Gjykata e Korçës e ka dënuar 28-vjeçarin, me 3 vjet e 6 muaj burgim, për veprën penale “Plagosja e rëndë me dashje”.
Ndërkohë, veprimet e tjera procedurale për këtë shtetas do të kryhen nga DVP Korçë.
