Drejtoria Vendore e Policisë Korçë
Sektori i Policisë Rrugore arrestoi në flagrancë shtetasin G. M., 34 vjeç, banues në fshatin Kolanec, Maliq, pasi u konstatua në aksin rrugor “Korçë-Maliq”, duke drejtuar automjetin, në gjendje të dehur.
Në vijim të informacionit paraprak të dhënë ditën e djeshme, për një aksident rrugor në aksin “Pogradec-Korçë”, informojmë se Sektori i Policisë Rrugore arrestoi në flagrancë shtetasin G. M., 44 vjeç, për veprën penale “Shkelja e rregullave të qarkullimit rrugor”.
Komisariati i Policisë Devoll arrestoi në flagrancë shtetasin N. D., 37 vjeç, banues në fshatin Vranisht, Devoll, pasi dyshohet se ka ushtruar dhunë ndaj babit të tij, i cili u pajis me urdhër mbrojtjeje.
Komisariati i Policisë Pogradec arrestoi në flagrancë shtetasin A. D., 53 vjeç, banues në fshatin Dvoran, Korçë, pasi ka thyer masën e sigurisë “Arrest në shtëpi”, që i kishte caktuar Gjykata, për veprën penale “Kultivimi i bimëve narkotike”.
Po nga ky Komisariat u referuan materialet në Prokurori, për shtetasit:
S. C., 70 vjeç, banues në fshatin Buçimas, Pogradec, pasi me vetëgjyqësi ka pushtuar një sipërfaqe toke në pronësi të një 44-vjeçari;
A. L., 29 vjeç, banues në fshatin Vërdovë, Pogradec, pasi dyshohet se ka kanosur më fjalë një 27-vjeçar.
Komisariati i Policisë Maliq referoi materialet në Prokurori, ku filloi procedimi në gjendje të lirë për shtetasin E. Xh., 25 vjeç, banues në fshatin Podgorie, Maliq, pasi dyshohet se ka ndezur zjarr, në tokën e tij, dhe nga përhapja e flakëve është djegur një sipërfaqe toke me bimësi.
Komisariati i Policisë Kolonjë referoi materialet në Prokurori, ku filloi procedimi në gjendje të lirë për shtetasin K. Z., 35 vjeç, banues në Korçë, pasi dyshohet se ka goditur me grusht, një 48-vjeçar, për motive të dobëta.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Korçë, për veprime të mëtejshme.
