Dy ndeshje miqësore në harkun kohor të 24 orëve do të luajë Skënderbeu, por kjo ka një strategji edhe nga trajneri i bardhekuqve Ivan Gvozdenoviç.
Nesër, pra të martën në orën 19:00 Skënderbeu do të ketë përballë FC Helzag skuadrën e mirënjohur korçare në ligën amatore, ndërkohë që është bërë e ditur tashmë që stafi teknik do të aktivizojë futbollistët që kanë pasur pak minuta aktivizimi deri tani.
Ndërkohë pjesa tjetër e ekipit, pra titullarët do të luajnë ditën e mërkurë në datë 31 korrik ndeshjen miqësore ndaj Tianës. Miqësorja e luksit me bardheblutë do të luhet të mërkurën në orën 19:00 në stadiumin “Skënderbeu”.
Me pak fjalë Skënderbeu do të luajë dy miqësore në harkun kohor të 24 orëve dhe më pas e radhës do të jetë të shtunën ndaj Besës.
