Operatorët turistikë në Pogradec kanë mbyllur një sezon veror tepër të suksesshëm, ndërsa vjeshta dhe dimri vijojnë të kenë kërkesa të larta, jovetëm për këtë qytet por për të gjjtha sitet turistike në Qarkun e Korçës.
Sot kur kërkesat dhe numri i vizitorëve të huaj kryesisht shënon rritje çdo ditë, lind nevoja që pushteti qëndror, ai lokal dhe bizneset të krijojnë paketa konkrete për të rritur ditëqëndrimet në juglindje të vendit.
Ndaj për këtë Niko Peleshi dhe Olta Xhaçka kanë nisur takimet me operatorët turistikë, jovetëm për të biseduar rreth këtyre risive por edhe për të dëgjuar problematikat që kërkojnë zgjidhje të shpejta apo afatgjata.
Në fjalën e tij Peleshi tha se juglindja është një shembulli veçantë pasi ka treguar se edhe në kohë të vështira ka ditur të bëjë turizëm, kjo falë investimeve të realizuara por mbi të gjitha edhe falë talentit të operatorëve për të shëryber.
Sezoni që lamë pas por edhe ai i vjeshtës që jemi aktualisht për operatorët ka qenë tepër i suksesshëm dhe në rritje më vazhdueshme, aq sa prenotimet për 2025 janë edhe më të larta për të qëndruar në Pogradec.
Për Ilir Xhakollin i gjithë ky boom turistik lidhet drejtpërdrejt me investimet e bëra, por edhe të tjera që pritet të fillojnë në sektorin e trashëgimisë kulturore e historike.
Për deputeten Xhaçka nëse para 10 vitesh agroturizmi ishte thjeshtë një projekt, sot juglindja dhe çdo qark i Shqipërisë e ka të prekshëm këtë sektor turistik.
