Bashkia e Korçës ka nisur një projekt të pjesshëm rikonstruksioni në Muzeu Bratko që përfshin përmirësimin e kushteve të objektit dhe zgjerimin e hapësirave për ekspozita.
Projekti, i cili ka një vlerë prej 4,1 milionë lekësh, përfshin hidroizolimin e mbulesës, zëvendësimin e disa dritareve dhe rinovimin e strukturave të gipsit të dëmtuara nga lagështira.
Një ndër elementët kryesore të rikonstruksionit është krijimi i një salle të re ekspozimi dhe rinovimi i bibliotekës së objektit. Salla e madhe do të marrë më shumë hapësirë përmes krijimit të disa paneleve për ekspozim, duke rritur kështu sipërfaqen e veprave të ekspozuara dhe duke rikonceptuar mënyrën e prezantimit të objekteve.
Gjithashtu, do të zëvendësohen ndriçuesit e prishur për të siguruar kushte më të mira për vizitorët. Pritet që rikonstruksioni të përfundojë deri në fund të dhjetorit, nëse kushtet e motit do të lejojnë, pasi mbeten edhe punë për lyerjen e jashtme dhe të brendshme të objektit.
Ky projekt do të kontribuojë në përmirësimin e infrastrukturës muzeale dhe në pasurimin e përvojës kulturore për vizitorët e Muzeut Bratko.
