Drejtoria Vendore e Policisë Korçë
Sektori për Hetimin e Krimeve Ekonomike dhe Financiare referoi materialet në Prokurori ku filloi procedimi penal për shtetasit E. P., 40 vjeç, banues në Maliq dhe A. S., 39 vjeç, banues në Devoll, për veprat penale “Tregtimi dhe transportimi i mallrave që janë kontrabandë”, “Ruajtja ose depozitimi i mallrave kontrabandë” dhe “Fshehja e të ardhurave”, pasi gjatë kontrollit në subjektet (fermat) e këtyre shtetasve, u gjetën dhjetëra bagëti të trasha, të cilat dyshohet se janë kontrabanduar nga Greqia. Gjithashtu, nisi procedimi penal për shtetasin E. L., 38 vjeç, banues në Bilisht, me detyrë veteriner, për veprën penale “Shpërdorimi i detyrës”.
Komisariati i Policisë Pogradec referoi materialet në Prokurori, për një 11-vjeçar, pasi dyshohet se ka vjedhur çantën e një 52-vjeçareje.
Komiasariati i Policisë Devoll referoi materialet në Prokurori, ku filloi procedimi penal për shtetasit:
E. M., 35 vjeç, banues në fshatin Miras, Devoll, pasi u kap në fshatin Arzë, duke transportuar lëndë drusore të prerë në mënyrë të paligjshme. Lënda drusore u sekuestrua në cilësinë e provës materiale;
A. H., 46 vjeç, banues në fshatin Arzë, Devoll, pasi dyshohet se ka prerë një sasi lënde drusore, në mënyrë të paligjshme. Lënda drusore u sekuestrua në cilësinë e provës materiale.
Komisariati i Policisë Maliq referoi materialet në Prokurori, ku filloi procedimi penal për shtetasin E. H., 41 vjeç, banues në fshatin Vloçisht, Maliq, pasi ka goditur me pëllëmbë një shtetas të mitur, për motive të dobëta.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Korçë, për veprime të mëtejshme.
