Ka përfunduar renditja e futbollistëve më të mirë në botë, nga pozita e 30-të deri te e 11-ta, dhe shumë yje të njohur evropianë kanë mbetur jashtë top 10-shes. Pedri, Harry Kane, Van Dijk, Lautaro dhe shumë të tjerë nuk arritën të sigurojnë një vend në këtë listë.
Top 10-shja është e mbipopulluar me futbollistë të Paris Saint-Germain, që sezonin e kaluar pati një sukses historik duke fituar tripletën: Ligën e Kampionëve, Ligue 1 dhe Kupën e Francës.
Në listë janë Ousmane Dembélé (favorit kryesor për Topin e Artë), Gianluigi Donnarumma, Nuno Mendes, Achraf Hakimi dhe Vitinha nga PSG-ja; Lamine Yamal (favorit gjithashtu) dhe Raphinha nga Barcelona; Cole Palmer nga Chelsea; Kylian Mbappé i Real Madridit dhe Mohamed Salah nga Liverpool.
Ceremonia e dhënies së Topit të Artë nis sonte në Paris, nga ora 20:00.
