Sulmuesi i Skënderbeut, Saleh Nasr, është larguar nga Korça vetëm pak ditë pas incidentit ku u përfshi në një konflikt fizik me disa të rinj.
Ngjarja ndodhi dy ditë më parë, dhe si pasojë e goditjeve të marra, lojtari përfundoi në spital, ku mori ndihmën mjekësore dhe u largua menjëherë pas stabilizimit të gjendjes shëndetësore.
Pas ngjarjes, ai është zhvendosur në Durrës, ku është parë pranë Resortit “Tropikal”. Burime pranë klubit bëjnë me dije se Nasr ka zhvilluar një takim me presidentin e Skënderbeut, Ardjan Takaj, për të diskutuar të ardhmen e tij me skuadrën korçare.
Mësohet se vetë futbollisti ka shprehur dëshirën për t’u larguar dhe për t’u transferuar në një skuadër tjetër, megjithatë ende nuk ka një vendim përfundimtar nga presidenti Takaj.
