Nxënësit e shkollës së mesme artistike “Tefta Tashko Koço” po realizojnë pikturën e parë murale në ambjentet e shkollës. Ata kanë zgjedhur si personazh piktorin e njohur spanjoll, Salvador Dalí, përfaqësues i surealizmit dhe figurë e shquar e artit të fundit të shekullit XIX dhe fillimit të shekullit XX.
Piktura po realizohet nën kujdesin e mësuesit të pikturës, Arjol Pepi, i cili thekson rëndësinë e motivimit të të rinjve që kanë zgjedhur rrugën e artit, duke i angazhuar në projekte kreative. Ai shton se edhe në klasa do të realizohen piktura të tjera në vijim.
Nxënësi i pikturës, Emljano Potka, është një nga pjesëmarrësit kryesorë në këtë projekt, duke kontribuar në realizimin e një vepre me vlerë për shkollën dhe komunitetin artistik.
