Në shkollat e qarkut të Korçës, është vënë re një rritje e numrit të mungesave nga nxënësit, për shkak të virozave që po qarkullojnë gjatë kësaj periudhe.
Situata është përkeqësuar gjatë ditëve me reshje debore dhe temperatura të ulëta, kur numri i mungesave është shtuar edhe më tej.
Mjekët u bëjnë apel prindërve që në rast të shfaqjes së simptomave të virozave, fëmijët të mos frekuentojnë institucionet arsimore për të shmangur përhapjen e virozave tek fëmijët e tjerë.
Autoritetet shëndetësore dhe arsimore bëjnë thirrje për kujdes të shtuar ndaj virozave dhe shmanien e grumbullimeve në mënyrë që të minimizohen infeksionet gjatë këtyre periudhave të motit të ftohtë.
