Kompania OpenAI ka raportuar pranë FBI një 25-vjeçar nga Florida, pasi ky i fundit kishte regjistruar në platformën ChatGPT plane të hollësishme për përdhunimin dhe vrasjen e ish-të dashurës së tij.
I dyshuari, i identifikuar si Darren Zhou, ish-analist në një institucion të njohur bankar, i kishte shkruar robotit bashkëbisedues se synonte ta vriste të renë deri në fund të muajit.
Sipas të dhënave të bëra të ditura nga hetuesit, 25-vjeçari iu drejtua platformës gjatë muajit mars, çka solli reagimin e menjëhershëm të kompanisë së inteligjencës artificiale për të vënë në dijeni autoritetet ligjzbatuese.
