Skuadra e volejbollit për femra e Skënderbeut ka bërë një afrimin të rëndësishëm për sezonin e ri. Shkodrania Paola Gjyshja do të luajë me bardhekuqet në edicionin 2025–2026, duke u aktivizuar në pozicionin middle blocker.
Pas një sezoni me Dinamon, Gjyshja ka vendosur t’i bashkohet ekipit korçar, ku pritet të japë kontribut të çmuar si në lojën mbrojtëse, ashtu edhe në atë sulmuese.
Për trajnerët e Skënderbeut, afrimi i saj shihet si një garanci më shumë për cilësinë e skuadrës, ndërsa pritet të sjellë energji dhe eksperiencë në ndeshjet e këtij sezoni.
Gjithashtu, gjatë këtyre ditëve priten edhe firmat e tjera të lojtareve shqiptare dhe të huaja, duke forcuar më tej grupin bardhekuq në prag të sezonit të ri.
