Më 29 gusht, qarku i Korçës dhe gjashtë bashkitë e tij pritet të përjetojnë një ditë tipike gushti me mot kryesisht të kthjellët, temperatura të ulëta në orët e para të mëngjesit dhe rritje të ndjeshme gjatë ditës.
Në Korçë dhe në Maliq, orët e para të mëngjesit do të jenë të freskëta, me temperatura që do të zbresin deri në 9–12°C, ndërsa gjatë mesditës dhe pasdites pritet të arrijnë deri në 31–32°C, nën ndikimin e diellit të plotë.
Në Pogradec, klima do të jetë më e butë, tipike për zonat pranë liqenit. Në mëngjes temperaturat do të variojnë nga 12–15°C, ndërsa në mesditë do të ngjiten deri në 28–29°C, me diell të zbehtë dhe pamje të lehta mjegullimi.
Në Kolonjë, moti do të jetë i ngrohtë dhe i qetë. Vlerat minimale do të qëndrojnë rreth 19–21°C, ndërsa ato maksimale pritet të ngjiten deri në 32°C.
Edhe në Pustec, kushtet atmosferike do të ngjasojnë me Korçën, me mëngjese të freskëta dhe temperatura që në mesditë do të arrijnë deri në 32°C.
Ndërsa për Devollin, pritet mot i kthjellët me temperatura të ngjashme me ato të Korçës dhe Maliqit.
