Në kuadër të aksionit kombëtar të pastrimit, bashkia Pogradec ka nisur pastrimin e një prej akseve më të rëndësishme në juglindje, Qafë Thanë-Pogradec e cila ka edhe një trafik mjaft të lartë lëvizje.
Në statusin e tij kryebashkiaku i Pogradecit, Ilir Xhakolli, teksa flet për punën që po kryhet lëshon edhe një apel për ndotësit e rrugës që janë drejtuesit e automjeteve api pasagjerët.
Ai kërkon prej tyre të tregojnë qytetari dhe maturi për të mos e ndotur këtë rrugë.
“Vazhdojmë pastrimin e aksit rrugor Qafë Thanë-Pogradec në kuadër të punës për zbatimin e Planit Kombëtar të Pastrimit. Punonjësit tanë kanë nisur nga puna për pastrimin e mbetjeve të hedhura përgjatë 23 km kilometrave të kësaj rruge.
Mjedisi i pastër është detyrë të cilën ne e realizojmë jo thjesht në sezon turistik, por në çdo ditë të vitit. Prandaj një apel qytetar shkon për drejtuesit e mjeteve: Mos hidhni mbetje gjatë kohës që lëvizni në këtë aks rrugor.”
