Liqenorët e Pogradeci i drejtohen të premten stadiumit të Rrogozhinës “Arena Egnatia” për ndeshjen finale playoff përballë Burrelit si mundësia e fundit për të kaluar në kategorinë e parë.
Pogradecarët janë në formën më të mirë të mundshme thotë trajneri i ekipit Samuel Nikaj i cili shkon drejt Rrogozhinës me besimin e plotë se ekipi do bëjë lojën më të mirë të këtij sezoni të gjatë e të vështirë për tu ringjitur në kategorinë e parë. Më herët Pogradeci ka fituar përballë Devollit dhe Labërisë dhe tashmë pengesa e fundit për të kurorëzuar këtë sezon është përballë Burrelit.
Paralelisht lëshohet edhe thirrja për pjesëmarrje dhe mbështetje në stadium ndaj ekipit i cili do të luajë gjithçka për të kaluar në kategorinë e parë.
