Në Dardhë ka edhe probleme. Qejfi për të parë dëborën por pa vendosur goma dimri apo zinxhirë ka krijuar këtë situatë në hyrje të fshatit. Makina xhirojnë dhe nuk dalin dot.
Dardha është mbushur plot me turistë.
Edhe pse ka akull në rrugë dhe probleme me qarkullim rrugor në hyrje të fshatit turistik sërish turistët nuk kthehen pas.
E gjithë kjo ka ardhur pasi rrugët e fshatit ishin të ngrira me akull për shkak të temperaturave të ulta që në orët e para të mëngjesit kanë shkuar deri në – 10 gradë.
Pjesa më e madhe e turistëve pasi kanë kaluar drekën në restorantet e fshatit turistik e kanë pasur tejet të vështirë për të dalë nga fshati në rrugët nacionale, pasi një pjesë e mirë e tyre nuk kanë qenë të pajisur me zinxhirë dhe goma dimri, duke krijuar kështu një trafik të rënduar e kaotik.
Në rrethana të tilla drejtuesit e mjeteve kanë qenë të detyruar të ndihmojnë njeri tjetrin për të kaluar rrugën kryesore të fshatit që të çon drejt Korçës.
Një situatë si kjo është krijuar edhe për shkak të temperaturave të ulta por e për atë sepse është e ndaluar kriposja e rrugës së shtruar me kalldrëm ndaj e për këtë drejtuesit e mjeteve para se të zbresin poshtë, duhet të lënë makinat në “sheshi i valleve” dhe me pas te vazhdojne rrugen në këmbë.
Gjatë gjithë ditës së sotme sektori i qarkullimit rrugor ka bërë thirrje drejtuesve të mjeteve që përdorin akset turistik rrugor Voskopojë e Dardhë për t’u pajisur me zinxhirë e goma dimërore
