Gjatë një takimi të zhvilluar me përfaqësues nga të gjitha bashkitë e qarkut u diskutua rreth përgatitjes së produkteve turistike që do të prezantohen në këtë panair.
Shtimi i numrit të turistëve ndërkombëtarë dhe një ofertë e përbashkët turistike mes gjithë bashkive të qarkut të Korçës janë objektivat strategjikë mbi të cilat Bashkia Korçë po punon për zhvillimin e mëtejshëm të sektorit të turizmit, si një nga drejtimet më të rëndësishme të ekonomisë lokale.
