Në qytetin e Korçës u mbyll me super sukses edicioni i parë i Festivalit Teatror për të Rinj ACT+, një aktivitet që synon të promovojë talentet e reja dhe të nxjerrë në pah potencialin e tyre në artin skenik.
Çmimin e parë e rrëmbyen nxënësit e Kolegjit “Preka”, në bashkëpunim me nxënësit e Shkollës Artistike “Tefta Tashko Koço”, me shfaqjen “Stina e ujkut”. Performanca u vlerësua për profesionalizmin, emocionin dhe energjinë krijuese që solli në skenë, duke dëshmuar nivel të lartë artistik dhe bashkëpunim të shkëlqyer mes të rinjve.
Organizatorët dhe institucionet kulturore të qytetit shprehën vlerësimin e tyre për të gjithë pjesëmarrësit, duke i inkurajuar të vijojnë rrugëtimin artistik me pasion dhe vendosmëri.
Festivali ACT+ u konsiderua një tregues i qartë i forcës së talentit të të rinjve korçarë dhe një premtim për të ardhmen e artit dhe kulturës në qytet.
