Ka përfunduar zbatimi i projektit të restaurimit dhe rijetësimit të kishës së Shën Mërisë – në ishullin Maligrad, një investim i iniciuar nga projekti ndërkufitar “SMARTFORYOU2” në bashkëpunim me Republikën e Maqedonisë së Veriut, i cili ka si partnerë Drejtorinë Rajonale të Trashëgimisë Kulturore Korçë, Bashkinë Pustec, Bashkinë e Manastirit, Drejtorinë e Muzeve dhe Qendrën Rinore të Manastirit.
Projekti përfshinte punime restaurimi dhe konservimi në brendesi të kishës dhe jashtë saj, rehabilitimin e territorit përreth saj, punime sistemimi të shtegut të kalimit për në kishë, restaurimin dhe ruajtjen e afreskeve murale dhe punime elektrike për ndriçimin e kishës.
Rauajtja dhe nxjerrja në pah e vlerave të kësaj pasurie të trashëgimisë kulturore, e pasuron edhe më shumë zinxhirin e atraksioneve turistike që qarku ynë ofron.
