Atmosfera në shtëpinë e Big Brother VIP u tensionua ndjeshëm pas një debati të ashpër mes Gertit dhe Laertit. Dy banorët shkëmbyen akuza të rënda, duke zbuluar konflikte të mbledhura prej ditësh.
Gerti u shpreh: “Kam një konsideratë për Laertin, por nuk e prisja gjithçka që ndodhi.” Ai e akuzoi Laertin për xhelozi dhe për kontradikta në qëndrimet e tij. Ndërkohë, Laerti iu përgjigj ashpër, duke thënë: “Ke hyrë me fantazmat e tua. Hiqe maskën. Si nuk të vjen turp.”
Situata u përshkallëzua kur në bisedë u përmendën fëmijët dhe një ngjarje e shkuar. Gerti e akuzoi Laertin për sjellje të papranueshme ndaj një vajze në publik: “Atë vajzë e ke degjeneruar në mes të lokalit. Të doli gjithë lokali kundër. Si i përmend fëmijën e asaj vajze?”
Nga ana tjetër, Laerti e quajti këtë sjellje tradhti dhe pabesi: “Kjo nuk të bën mirë. Nuk ke të drejtë të përmendësh fëmijët e të tjerëve.”
Debati mes tyre ka krijuar tension edhe te banorët e tjerë, të cilët po përpiqen të qetësojnë situatën. Nuk dihet ende nëse kjo përplasje do të ketë pasoja për raportin e tyre në vazhdim.
Pjesë nga debati
Gerti: Kam një konsideratë për Laertin, por e prisja gjithçka që ndodhi.
Laerti: Ke hyrë me fantazmat e tua, ke thënë Laerti të jep shpirtin. Bie në kontraditë. Hiqe maskën. Si nuk të vjen turp.
Gerti: Je xheloz, je i vogël.
Laerti: Kjo quhet tradhti, pabesi. Nuk të bën mirë pushteti. Ke përmendur fëmijë këtu brenda. Çfarë të duhet ty me fëmijët e botës?
Gerti: Atë vajzë e ke degjeneruar në mes të lokalit. E ke rrahur në mes të lokalit. Të doli gjithë lokali kundër. Nuk ke turp. Si i përmend fëmijën e asaj vajze?
