Dy shtetas janë proceduar penalisht pas një aksidenti rrugor të ndodhur në aksin “Korçë–Pogradec”. Specialistët e Sektorit të Qarkullimit Rrugor kanë referuar materialet në Prokurori për shtetasit L. D., 58 vjeç, dhe M. M., 31 vjeç, të cilët ishin drejtuesit e automjeteve të përfshira në përplasje.
Sipas policisë, nga aksidenti kanë mbetur të dëmtuar lehtë dy pasagjerë që ndodheshin në automjetin që drejtohej nga 31-vjeçari. Fatmirësisht, nuk raportohet për pasoja të rënda në njerëz.
Ngjarja është në hetim dhe materialet i janë kaluar Prokurorisë për veprime të mëtejshme ligjore.
