Në mjediset e Galerisë “Guri Madhi” në Korçë është çelur ekspozita personale e piktorit të mirënjohur Roland Karanxha.
Nën titullin “Paleta e vjetër” mjeshtri i madh ka sjellë një përmbledhje të shumësisë së përvojave, ndjesive, ideve dhe trazimeve të një jete fizike dhe karriere artistike, me dëshirën për t’u rrëfyer, rishfaqur e kuptuar para frymëzuesit të tij më të hershëm, që është publiku korçar.
Për piktorin Romeo Goliku, pikturat e Karanxhës për nga realizimi janë krejt të veçanta nga të gjitha ato të piktorëve të tjerë, madje dhe atyre jo shqiptarë.
Në ekspozitën e fundit Karanxha, krahas portreteve të artistëve më të njohur të teatrit dhe kinematografisë, ka sjellë edhe punime të tjera, të gjitha në të njëjtën teknikë.
