Atletika korçare është kulmi i cilësisë së sporteve shqiptare, për atë sepse nuk është thjesht nivel kombëtar por Europian dhe me shumë se kaq. Për të shkuar në këto nivele të larta europiane një trajner si Piro Kasati i janë dashur shumë vite studimi, sepse ishte i pari dhe i vetmi i pistës shqiptare që ka kuptuar se atletika është shkencë, sigurisht, jo ekzakte.
Mbi këtë bazë është i pari dhe i vetmi i fundvitit 1980 që ka kuptuar se për të shkuar në majën e atletikës kërkohet një bashkëpunim sport dhe mjekësi, për të shkuar këtu ka ndërtuar shumë grupe atletesh të vrapimeve të mesme e të gjata, me të cilat ka eksperimentuar pa fund dhe përfundimi ka qenë; Shqiptarët vrapojnë gjatë dhe jo shpejt. Mbi këtë bazë ka ndërtuar grupin me cilësor të atletikës shqiptare dhe asaj europiane.
Me një atlete si Pavlina Evro me të cilën ka fituar gara të shumta kombëtare, rajonale, europiane e mitingje të nivelit botëror, si atë të Nices e Oslos. Duke arritur një kohë fenomenale në 1500m në 4.06.87, kohë e cila për shumë vite ka ngelur në 10kohet me të mira e kësaj gare në botë.
Me këtë altete Piro Kasati ka guxuar të sulmojë shkollën rumune të vrapimeve të mesme dhe me Pavlina Evron ka sulmuar po kaq fort një altete botërore si Melinte.
Piro Kasati në të njëjtën kohë ka sjellë në pistën shqiptare dhe me tej akoma atlete të tilla si Anila Menkshi dhe Donika Hanxhara dhe shumë të tjera, me të cilat ka bërë historinë e atletikës shqiptare. Duke i mbushur arkives së shumësporteve me shume medalje e kupa kombëtare e ndërkombëtare.
Histori të cilën vetëm një trajner si Piro Kasati dhe atletet e tij e kanë. Piro Kasati për fatin e keq nuk është më por historia e tij është e do të jetë në pistë shqiptare, kudo ku vrapohet në çdo pistë të vrapimeve të mesme e të gjata. Piro Kasati është jeta e sportit korçar, është historia e atletikës shqiptare.
Ai iku nga kjo jetë me vetëm një peng, të mos vdiste kaq shpejt sepse i duhej atletikës shqiptare. Na duhej të gjithëve ne!
