Detaje të reja janë zbardhur nga ngjarja e shënuar në Pogradec, ku u vendos lëndë plasëse në banesën e Meard Berberit.
Lënda plasëse ka shpërthyer rreth orës 02:30, ku në sheshpushimin e një pallati midis katit të parë dhe katiti të dytë, në afërsi të banesës së Berberit, është hedhur një sasi e vogël lëndë plasëse dhe si pasojë ka vetëm dëme materiale.
Meard Berberi është një emër i njohur për policinë pasi më herët ka qenë i dënuar për disa vepra penale.
Po ashtu Berberi rezulton pjesë e grupit që sulmoi me armë Hotel Volorekën në 2020 në Pogradec. Meardi Berberi, doli nga burgu pasi përfitoi prej amnistisë.
Ngjarja e sipërpërmenduar ka ndodhur më 8 gusht të 2020, ky dy persona qëlluan shumë plumba drejt hotel “Voloreka” në tushemisht të Pogradecit.
Nga të shtënat nuk pati të lënduar, por vetëm dëme materiale, pasi u dëmtuan 8 makina të parkuara në parkingun e hotelit, përfshirë makinën e Jetmir dhe Johan Muçollarit.
Për ngjarjen atë kohë u arrestua Ilir Berberi ose “Liri i Rushkës”, Meard Berberi ose “Koro”, Anterio Kaloshi, ky i fundit mik i Orgest Bilbilit dhe konsiderohet si personi që kishte strehuar Bilbilin në një shtëpi me qira në Tiranë, në zonën e Xhamllikut, ngjarje për të cilën ai ishte shpallur në kërkim me një vendim të gjykatës së Tiranës.
Ilir Berberi hiqej si polic, duke mbajtur me vete një mjet identifikuar nga uniformat blu, e ndërsa Meard si avokat. Dy dokumentet e falsifikuara u gjetën nga policia, në mesin e arsenalit të armëve që ishin të fshehura në garazhin e Ervin Kalajës, ku fshihej prej Meard Berberi.
