Pogradec/43 vjeçari rrahu dhe kërcënoi gruan me thikë
Është arrestuar një 43 vjeçar nga qyteti i Pogradecit pasi ka ushtruar dhunë fizike dhe psikologjike ndaj bashkëshortes së tij me të cilën është në proces divorci.
Gjatë kontrollit fizik në momentin e arrestimit, 43 vjeçarit ju gjetën edhe mjete të ftohta dhe armë pa lejen e posaçme.
Ndërkohë baahkëshortja e tij u pajis me urdhërin e mbrojtjes.
Njoftimi i policisë;
DVP Korçë/Vihen në pranga 1 shtetas për veprën penale të dhunës dhe armëmbajtjes pa leje
-Specialistët për Hetimin e Krimeve të Komisariatit të Policisë Pogradec arrestuan në flagrancë shtetasin N. H., 43 vjeç, banues në Pogradec, pasi dyshohet se ka ushtruar dhunë ndaj bashkëshortes së tij, me të cilën është në proces divorci. Gjatë kontrollit fizik të këtij shtetasi iu gjet një mjet i mprehtë (thikë) 1 cili ju sekuestrua në cilësinë e provës materiale, ndërsa bashkëshortja u pajis me urdhër mbrojtjeje.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Korçë, për veprime të mëtejshme.
