Në kuadër të Ditës së Liqenit, në plazhin e Uçkave në Pogradec u organizuan një sërë aktivitetesh ndërgjegjësuese dhe edukuese me fokus mbrojtjen e mjedisit dhe vlerat natyrore të Liqenit të Pogradecit.
Aktivitetet u zhvilluan nga Drejtoria e Turizmit, Trashëgimisë Kulturore dhe Rinisë, në bashkëpunim me Agjencinë Kombëtare të Zonave të Mbrojtura, duke përfshirë pastrimin e bregut të liqenit, një ekspozitë fotografike me imazhe të bregut ndër vite, si dhe shpërndarjen e materialeve informuese mbi ruajtjen e biodiversitetit dhe mjedisit ujor.
Të pranishëm në këtë nismë ishin edhe përfaqësues të organizatës “Me the Woman” dhe Këshillit Rinor Pogradec, të cilët kontribuuan në ndërgjegjësimin e qytetarëve për rëndësinë e mbrojtjes së pasurive natyrore.
