Rreth 40% e pemtoreve me qershi në 3 fshatra të Pogradecit, janë dëmtuar nga breshëri i së shtunës.
Vasfi Dulellari specialist i ekstensionit në këtë bashki bën me dije se breshëri ka dëmtuar pjesën e kurorës së pemëve në fshatrat Peshkëpi, Alarup dhe Stropckë. Ndërsa në zonat e tjera poteciale për prodhimin e qershisë në Çërravë, Proptisht, Buçimas, Velçan, Dardhas, Trebinjë dhe Hudënisht, këtë vit ka një prodhim të mbarë të këtij fruti.
Prej disa ditësh, fermerët kanë nisur vjeljen e qershisë dhe shitjen e saj.
Një situatë pozitive paraqitet dhe në fshatin Dvoran të bashkisë Korçë, e cila njihet për prodhimin e qershisë. Fermerët janë të kënaqur me prodhimin e këtij viti, i cili është cilësor dhe pa dëmtime ndërsa shprehen se dhe çmimi i tregtimit është mës i kënaqshëm.
Burime pranë Agjencisë Rajonale të Ekstensionit Bujqësor në Korçë bëjnë me dije se sipas statistikave të vitit të kaluar, sipërfaqet e mbjella me qershi në Qarkun Korçë ishin rreth 513ha, ndërsa prodhimi shkoi deri në 5.460 ton qershi.
