Policia e shtetit vazhdimisht bën njoftime për persona të proceduar penalisht pasi drejtojnë mjetet në gjendje të dehur të cilët në shumë raste bëhen edhe shkak për aksidente serioze. Një rast i tillë është kostatuar nga patrulla e policisë edhe në Pogradec, ku një shtetas sipas burimeve i identifikuar si E. Hoxhallari si pasojë se drejonte mjetin nën avujt e alkoolit është aksidentuar në një nga lagjet kryesore të Pogradecit.
Pasi policia ka shkuar në vendngjarje Hoxhallarit i është kërkuar të bëhet testi i alkoolit, por ky i fundit ka refuzuar ashtu sic ka kundërshtuar shoqërimin e tij në ambjentet e komsiariatit. Fatmirësisht ai ka shkaktuar dëme vetëm në mjet, por fakti që lëvizte në gjendje të dehur rrezikonte seriozisht jetën e qytetarëve nisur nga fakti që ditët e fundit Pogradeci është i mbipopulluar nga pushues.
Nisur nga kjo në njl sezon të tillë, policia krahas kontrolleve duhet të ashpërsojë edhe masat ndaj këtyre drejtuesve që papërgjeshmërisht lëvizin mjetet nën avujt e alkoolit.
