Ilir Xhakolli ka marrë zyrtarisht detyrën e kryetarit të Bashkisë Pogradec në mandatin e tij të dytë.
Në këtë mandat kryebashkiaku Xhakolli pasi ka falenderuar pogradecarët për besimin që i dhanë tha se do të punojmë që Pogradec të kalojë nga një qytet në zhvillim në një qytet të zhvilluar.
Drejtimi kryesor i tij në mandatin e dytë është turizmi, agroturizmi si edhe përfundimi i 3 projekteve të rëndësishme në infrastrukturën rrugore në zonant Mokër-Gorë pa lënë këtu mënjanë edhe investimet e tjera në qytet dhe fshatra turistikë.
Në mbledhjen e parë të këtij Këshilli me shumicë votash kryetare e këshillit është zgjedhur juristja Manjola Kamolli, ndërsa zv/kryetarë dy zonja të tjera Albana Prifti nga kolaicioni BF dhe Miramda Olldashi nga PS.
Në mbledhjen e parë nuk janë paraqitur dy këshilltarët e Partisë Demokratike zyrtare të cilët kishin paraqitur zyrtarisht dorëheqjen e tyre.
Në fjalën e tij Xhakolli tha:
Zyrtarisht nisim kapitullin e ri të transformimit të Pogradecit.Nga sot bashkë më antarët e këshillit nisëm punën për mandatin e dytë të drejtimit të Bashkisë Pogradec. Falenderimi i parë shkon për gjithë banorët e bashkisë së madhe për mbështetjen e dhënë në zgjedhjet e 14 majit. Unë dhe antarët e këshillit do të punojmë për të shërbyer, pa asnjë dallim, për cdo cep të territorit tonë. Ashtu si e kam theksuar edhe më herët ky do të jetë mandat që ne e kalojmë Pogradecin në një tjetër stad, nga një qytet në zhvillim në qytet të zhvilluar. Sëbashku kemi fatin që të bëjmë punë të mira për komunitetin dhe të lëmë emrat tanë në rrugën e transformimit të Pogradecit. Faleminderit dhe suksese të gjithëve!
