Policia Bashkiake e Pogradecit në bashkëpunim me Drejtorinë e Tatim Taksave pasi kanë konstatuar të gjitha objektet pa leje në plazhin e Pogradecit kanë nisur largimin e tyre dhe lirimin e hapësirave për pushuesit.
Largimi i këtyre mjeteve të cilat përveçse zinin hapësira krijonin edhe një pamje aspak estetike për plazhin është përshëndetur edhe nga qytetarët, ndërsa nuk ka pasur kundërshtim nga pronarët e tyre.
Gjithashtu i njëjti aksion po vijon edhe me trotuarët e qytetit, ku po bëhet largimi i arkave, çadrave dhe tabelave pa leje nga subjektet, duke mundësuar kështu kalim më të lehtë për këdo.
