Me nisjen e sezonit veror, nisin edhe abuzimet e atyre që zënë hapsirat publike pa leje me qëllim përfitimi.
Nisur nga ankesat e qytetarëve policia bashkiake, policia e shtetit dhe të tjerë institucione kanë nisur kontrollet në plazhe. Nga këto kontrolle ka rezultuar se persona individë të veçantë kishin filluar të shfrytëzonin çadrat e vendosura nga bashkia Pogradec prë qëllime përfitimi, duke vendosur shezlongë poshtë tyre dhe duke i lëshuar kundrejt pagesës.
Pas konstatimit të rasteve të tilla janë sekuestruar disa çifte shezlongesh dhe një person ka përfunduar në prokurori në lidhje me këtë situatë.
Gjithashtu verifikime po kryhen edhe në hapsira të tjera përgjatë liqenit ku janë kostatuar subjekte që kishin vendosur shezlonge pa lejen përkatëse dhe është bërë largimi i tyre.
Ndërkohë që indicie ka që qytetarë të caktuar po përdorin çadrat falas duke i lëshuar kundrejt pagesës për ata pushues që kërkojnë vende të lira dhe nuk gjejnë, por ky është një proces në verifikim kanë thënë burime pranë bashkisë Pogradec.
