Një konflikt për motive pronësie ka përfunduar në përplasje fizike mes disa qytetarëve në Pogradec, duke çuar në nisjen e procedimeve penale ndaj katër personave.
Specialistët për Hetimin e Krimeve në Komisariatin e Policisë Pogradec referuan materialet në Prokurori dhe nisën procedimin penal për shtetasit:
- I. T., 53 vjeç
- P. P., 35 vjeç
- J. M., 26 vjeç
- J. M., 52 vjeç
Sipas të dhënave paraprake, të katër shtetasit janë përfshirë në një përplasje fizike me njëri-tjetrin, ku dyshohet se janë përdorur edhe sende të forta. Ngjarja ka ndodhur pas një mosmarrëveshjeje të nisur për çështje pronësie.
Materialet procedurale i janë referuar Prokurorisë pranë Gjykatës së Shkallës së Parë të Juridiksionit të Përgjithshëm Pogradec për veprime të mëtejshme ligjore.
Policia vijon hetimet për dokumentimin e plotë të ngjarjes.
