Në këto ditë të nxehta të gushtit, Pogradeci po përjeton kulmin e sezonit turistik. Vijat bregliqenore të Liqenit të Ohrit janë mbushur plot nga mëngjesi deri në mbrëmje, me pushues që freskohen në ujërat e kristalta dhe shijojnë diellin e verës.
Pushues nga zona të ndryshme të vendit, por edhe nga Kosova, Maqedonia e Veriut e vende të tjera, kanë zgjedhur qytetin liqenor për të kaluar ditët e pushimeve. Atmosfera është gjallëruese: shëtitorja gumëzhin nga vizitorët, ndërsa baret, restorantet dhe hotelet përgjatë bregut punojnë me kapacitet të plotë.
Përveç plazhit, turistët shfrytëzojnë mundësinë për të vizituar atraksionet kulturore, kulinare dhe natyrore të zonës, duke e kthyer Pogradecin në një nga pikat më të nxehta të turizmit në këtë verë.
