Ekipi i volejbollit për femra i Pogradecit këtë fundjavë do të përballet në transfertë me Vllazninë. Skuadra shkodrane përbëhet kryesisht nga volejbolliste vendase dhe lojtare të reja, çka e bën Pogradecin favorit në këtë përballje.
Skuadra e trajnerit Besnik Lisha ka zhvilluar një nisje shumë të mirë sezoni, duke regjistruar tre fitore në tre javët e para: në shtëpi ndaj Teutës dhe Korabit, si dhe në transfertë ndaj Skënderbeut.
Me këtë ecuri, liqenoret synojnë të kthehen me një tjetër fitore nga Shkodra, për të forcuar pozitat në renditje.
