Pogradeci vlerësohet me cmim për prezantim mjaft dinjitoz në Panairin Ndërkombëtar të Turizmit “ITFT Tirana 2024”, i cili u mbajt disa ditë më parë në kryeqytet.
Bashkia Pogradec ka qenë pjesë e këtij panairi mes 100 subjekteve kombëtare dhe ndërkombëtare dhe Unioneve turistike në Kosovë, Mal i Zi dhe Shqipëri.
Në këtë panair kjo bashki ka prezantuar jovetëm ofertën e saj turistike për historinë, trashëgiminë kulturore, natyrore etj, gjithashtu pjesë e ofertës ishin edhe njësite hoteliere, restorantet dhe artizanët e kësaj zone.
Një njoftimin e saj Bashkia citon:
Bashkia Pogradec vlerësohet me çmim për paraqitje mjaft dinjitoze në Panairin Ndërkombëtar të Turizmit “ITFT 2024” @expocity_albania edicion VI-të që u mbajt në Tiranë në datat 5-6 Prill. Pjesë e panairit ishin 100 subjekte, Unionet Turistike Shqipëri, Kosovë, Mali i Zi si edhe kompani të huaja nga Greqia dhe Italia.
Faleminderit të gjithë operatorëve turistikë të Pogradecit që ishin pjesë e panairit, pasi bashkë me ta arritëm të japim një imazh shumë të mirë për qytetin në prezantimin e ofertës sonë turistike.
Ndërkohë pas Tiranës, është njoftuar se prezantimi i ofertës turistike do të vijojë në Panairin e Turizmit dhe Sportin në Kosovë, i cili do të mbahet më – në Prishtinë.
