Ky sezon e gjen ekipin e volejbollit për femra të Pogradecit më të motivuar dhe më të kompletuar se kurrë më parë. Objektivi është i qartë: titulli kampion.
Trajneri Besnik Lisha dhe administratori Dorjan Latifllari kanë ndërtuar me kujdes një grup të harmonizuar lojtaresh, ku përzihen përvoja me rininë, vendaset me të huajat, pasioni me ambicien për sukses.
Lisha ka ditur të krijojë një skuadër që nuk mbështetet vetëm në emra, por në kombinimin e duhur të roleve dhe karaktereve, duke sjellë një skuadër me identitet të fortë dhe potencial të madh.
Faza përgatitore ka nisur dhe trajneri është shumë i kënaqur me përkushtimin dhe nivelin e të gjitha lojtareve. Ai e sheh këtë fillim si premisë të sigurt për një sezon të suksesshëm.
Edhe sezonin e kaluar Pogradeci ishte skuadra për t’u mundur, duke konkurruar denjësisht deri në javët e fundit për titullin. Por këtë herë, me afrimet cilësore dhe përgatitjen serioze, skuadra synon trofetë, jo vetëm një paraqitje dinjitoze.
Në Pogradec është krijuar një frymë e re, ku vajzat nuk luajnë vetëm për fanellën, por për të shkruar historinë e volejbollit shqiptar. Trajneri Besnik Lisha pret shkurt kur tha, Pogradeci eshte ndertuar vetem.per te qene fitues.
