Në kuadër të operacionit “Knock down 3” janë proceduar 42 persona, ku 6 prej tyre u kapën në flagrancë.
Gjatë operacionit “Knock Down 3”, janë sekuestruar në cilësinë e provës materiale: 388 gramë kokainë e ndarë në doza, 9 kilogramë kanabis, automjete, aparate celularë dhe një shumë e konsiderueshme parash.
Por pse duhet të procedohen 42 persona për 9kg kanabis dhe 380gr kokainë, ndërkohë që në gjithë Republikën e Shqipërisë ka raste me sasi më të madha droge që kapen dhe procedohen 1 apo 2 persona??
Madje në pjesën më të madhe të këtyre rasteve nuk merret konsumatori në procedim penal apo gjendje të arrestuar në flagrancë. Ata procedohen në gjendje të lirë ose me masën e arrestit në shtëpi.
Janë drejtuesit e bandave kriminale ata që procedohen ligjërisht dhe jo ata njerëz të cilët janë fundi i hallkës se gjithçkaje.
Pra, policia po bën vërtet punë apo po bën show?
