Shërbimet e Policisë Kufitare në Korçë kanë goditur dy raste të kontrabandës së mallrave, si rezultat i kontrolleve të imtësishme të bazuara në analizën e riskut.
Gjatë verifikimeve në hyrje të territorit shqiptar, në autobusët e drejtuar nga shtetasit K. B., 67 vjeç dhe Th. G., 67 vjeç, të dy banues në Korçë, u gjetën sasi vaji, verë, vegla pune dhe produkte të tjera të padeklaruara në organet doganore.
Të gjitha mallrat u sekuestruan në cilësinë e provës materiale, ndërsa për dy drejtuesit e mjeteve nisi procedimi në gjendje të lirë për veprën penale “Kontrabanda me mallra të tjera”. Materialet i janë referuar Prokurorisë së Korçës për veprime të mëtejshme procedurale.
