Strukturat e Policisë Kufitare të DVKM Korçë, gjatë patrullimit në terren në aksin rrugor “Miras–Bilisht”, konstatuan një rast të prerjes dhe transportimit të paligjshëm të lëndës drusore.
Gjatë kontrollit, u ndalua shtetasi E. M., 36 vjeç, banues në fshatin Miras, Devoll, i cili po transportonte me automjetin e tij rreth 6 metër kub lëndë drusore, të prerë në mënyrë të paligjshme.
Në përfundim të veprimeve hetimore, ndaj shtetasit E. M. filloi procedimi penal për veprën penale: “Prerja e paligjshme e pyjeve”. Automjeti dhe lënda drusore u sekuestruan në cilësinë e provës materiale.
Materialet procedurale iu referuan Prokurorisë së Korçës për vijimin e hetimeve.
