Drejtoria Vendore e Policisë Korçë ka referuar në Prokurori një sërë rastesh të veprave penale të ndodhura në qark, ku kanë nisur procedimet ndaj disa shtetasve.
Në Pogradec, shtetasi S. Ll., 66 vjeç, akuzohet se ka falsifikuar një certifikatë pronësie, ndërsa F. M., 46 vjeç, është proceduar për pengim të qarkullimit, pasi kishte parkuar automjetin në vija të bardha në lagjen nr. 1 të qytetit.
Në Kolonjë, shtetasit P. J., 29 vjeç dhe Dh. J., 33 vjeç, dyshohet se për motive të dobëta kanë goditur me grushte një 39-vjeçar, ndërsa në Maliq, 64-vjeçarja A. S., akuzohet për pushtim të një sipërfaqe toke që dyshohet të jetë në pronësi të një tjetër shtetasi.
Po ashtu, në Korçë, si pasojë e një shkëndije elektrike në një shtyllë të tensionit, ra zjarr në lagjen nr. 1, duke djegur një sipërfaqe toke. Ky rast është referuar si ngjarje aksidentale.
Materialet procedurale për të gjitha rastet i janë dërguar Prokurorisë pranë Gjykatës së Shkallës së Parë të Juridiksionit të Përgjithshëm Korçë për veprime të mëtejshme.
