Mirela Qeleshi ka ngritur një shqetësim mjaft qytetar që lidhet me një nga grupet artistike më të rëndësishme në Korçë dhe Shqipëri, Kori “Lira” një grup artistik mjaft dinjitoz me anë të të cilit Korça identifikohet por që asnjëhërë përveç çmimeve dhe vlerësimeve verbale nuk vlerësohet aq sa duhet në drejtimin monetar.
Ja çfarë shkruan Qeleshi:
Të disponosh 22.5 milion EURO buxhet vjetor në bashkinë Korçë dhe t’i japësh grupit ” LIRA”, 50 mijë lekë ( të vjetra)/person/muaj, është keqardhje dhe fyerje për çdo anëtar.
Ky formacion artistik që ngre sallën në këmbë me fuqi muzikore, që ka anëtarë qytetarë profesionistë, të talentuar, të devotshëm, të palodhur, etj, meriton trajtim dinjitoz, jo vetëm për moshën që kanë, po për ç’ ka mbajnë gjallë; traditën simbol me të cilën Korça identifikohet.
