Gjatë fjalës së tij si i ftuar nderi në samitin e 10 të Korridorit të Gazit në Baku, kryeministri Rama foli për projekte të përbashkëta në këtë fushë. Sipas tij, tani është gati studimi gazifikimit të zonës së Korçës, projekt që pritet të transformojë qytetin juglindor
Nga Azerbajxhani, ku ndodhet si i ftuar nderi i presidentit Ilham Alijev, për të adresuar Samitin e 10-të të Korridorit Jugor të Gazit, kryeministri Edi Rama, foli për projekte të përbashkëta në këtë fushë.
Kreu i qeverisë bëri të ditur se tanimë është gati studimi i gazifikimit të zonës së Korçës, si hap i parë i programit të shtrirjes së gazit për konsum të përgjithshëm në Shqipëri.
Projekti i gazifikimit të qytetit të Korçës pritet t’i vije fillimisht në ndihmë dhe lehtësojë jetën e qytetarëve e me pas edhe bizneseve të zonës
Po ashtu Shqipëria nënshkroi marrëveshjen për heqjen e vizave për qytetarët shqiptarë që udhëtojnë drejt Azerbajxhanit, duke hapur mundësi të reja për turizëm, zhvillim ekonomik dhe bashkëpunim mes dy vendeve. Nënshkrimi i marrëveshjes u bë ndërmjet zëvendës ministrit të Jashtëm Besart Kadia dhe homologut të tij nga Azerbajxhani.
