Ndryshimet që pritet të ndodhin në univeristetin e Korçës po sjellin reagime edhe te qytetarët. Shumë prej tyre flasin dhe për punën e rektorit Dhimitër Bello dhe masat që ka marrë ai. Ja një shkrim nga një qytetar i Korçës dhe ish-student i këtij universiteti;
Çfarë turpi!
Nuk e di ku e gjen të drejtën rektori i Universitetit Fan S. Noli që të marr vendime të tilla pa u konsultuar fillimisht me ata që janë aktorët kryesorë: studentët, që prej shumë kohësh kanë rënë në gjum letargjik dhe flenë duke u bërë palë për rënimin e universitetit.
E turpshme që pedagogët kanë pranuar këtë vendim dhe nuk kanë ngritur zërin por janë mjaftuar me vendimin e rektorit pa ditur pasojat që sjell më pas ky vendim. Universiteti nuk kishte vetëm logo zoti Bello po ka një historik të gjatë sfidash që i kanë mbijetuar edhe largimeve masive në periudhat e ndryshme dhe sfidave ekonomike. Paaftësia e theksuar e këtyre njerzve që kanë zaptuar Universitetin e Korçës sjell vendime dhe pasoja të tilla.
Nuk bëtë gjithçka për të mirën e studentëve por u munduat të mbushnit xhepat dhe të shikonit rehatin tuaj duke mos bërë asgjë për studentët. Ka me qindra projekte në të cilat universiteti mund të aplikojë por paaftësia e disa pedagogëve i ka lënë pas. Absolutisht universiteti ka pedagogë të shkëlqyer të cilët gëzojnë respektin tim por kjo është 50/50 dhe në mos më e ulët.
Niveli i pedagogëve në universitet ka ardhur duke rënë, pedagogë që kanë mbaruar doktoratura dhe mastera fantazmë në Strugëra dhe Bullgari që kanë siguruar një rrogë të mirë dhe lekë nga studentët pyka.
Çfarë ka bërë Z.Bello për rritjen e performacës dhe rritjen profesionale të pedagogëve?
Në 5 vite universitet 80% ishin lëndë që nuk sillnin asgjë të re dhe leksione që ishin përgatitur prej vitesh dhe fotokopjoheshin në mënyrë të rëndomtë.
DËSHTIMI ËSHTË I JUAJI DHE JO I STUDENTËVE! DËSHTIMI DHE TURPI JU NGELET JU DHE PAAFTËSISË TUAJ!
Ish-studenti Dejvi Hoxha.
